Қўшимча функционаллар
-
Тунги кўриниш
Жамият | 07:40 / 17.02.2022
23528
1 дақиқада ўқилади
Аскиячи Жўрахон Пўлатов вафот этди
Ўзбекистонда хизмат кўрсатган артист Жўрахон Пўлатов 88 ёшида вафот этди. Бу ҳақда маданият вазири Озодбек Назарбеков хабар берди.
Фото: Маданият вазирлиги
Жўрахон Пўлатов 1934 йилда Фарғона вилоятининг Қўқон шаҳрида таваллуд топган. У аския санъатининг забардаст вакилларидан бири эди.
Ж.Пўлатов узоқ йиллар маданият соҳасининг турли йўналишларида, хусусан, Қўқон шаҳар мусиқали драма театрида меҳнат қилди.
“Жўрахон Пўлатов халқона, самимий кулгига бой ҳар бир чиқиши орқали эл меҳрини қозонди. Санъатимиз ривожига катта ҳисса қўшди.
Устоз ижодкорнинг ёрқин хотираси қалбларимизда ҳамиша сақланиб қолади. Жўрахон Пўлатовнинг оила аъзолари ва яқинларига чуқур ҳамдардлик билдирамиз”, дейди Озодбек Назарбеков.
