Фото: Ташқи ишлар вазирлиги матбуот хизмати
Маннопова Ойдинхон Султоналиевна Жаҳон иқтисодиёти ва дипломатияси университети Академик лицейи директори лавозимига тайинланди. Бу ҳақда Ташқи ишлар вазирлиги матбуот хизмати хабар қилди.
Маълум қилинишича, Ойдинхон Маннопова – 1998 йилдан буён Ташқи ишлар вазирлиги тизимида фаолият юритиб келаётган тажрибали дипломат.
У икки томонлама ва кўптомонлама ҳамкорлик бошқармаларида, шунингдек, Ўзбекистон Республикасининг Россия Федерацияси (2007-2011, 2014-2015) ва Қозоғистон Республикаси (2018-2022)даги элчихоналарида дипломатик ва консуллик вазифаларини бажарган.
Маннопова – Россия Федерацияси Ташқи ишлар вазирлиги Дипломатик академиясини тамомлаган, сиёсий фанлар номзоди.
