Австрия канцлери Киевга келди

Карл Неҳаммер Буча шаҳрига ҳам бориши режалаштирилган.

Фото: Reuters

Австрия канцлери Карл Неҳаммер Украинага ташриф буюрди.

У Киевда Украина президенти Владимир Зеленский, бош вазир Денис Шмигал ва Киев мэри Виталий Кличко билан учрашувлар ўтказади.

Шунингдек, Неҳаммер Буча шаҳрига ҳам боради.

"Президент Зеленскийнинг таклифига биноан Киев ва Бучага ташрифим украин халқи билан бирдамлигимизни кўрсатишга хизмат қилиши лозим", - дейилади Неҳаммернинг баёнотида.

Аввалроқ Киевга Еврокомиссия раиси Урсула фон дер Ляйен, ЕИнинг ташқи ишлар ва хавфсизлик сиёсати бўйича олий вакили Жозеп Боррел, Словакия бош вазири Эдуард Ҳегер ва қатор европарламентарийлардан иборат делегация ташриф буюрганди.

#Австрия #Киев