ЖССТ маймун чечаги касаллиги тарқалиши авж олгани сабабли экспертларнинг фавқулодда йиғилишини чақиради

Маймун чечаги касаллиги бир неча мамлакатлар, хусусан, Британия, Испания, Белгия, Франция, Швеция, Италия, Австралия ва Канадада аниқланди.

Фото: Getty Images

Жаҳон соғлиқни сақлаш ташкилоти маймун чечаги касаллиги тарқалиши авж олганини муҳокама қилиш учун экспертларнинг фавқулодда йиғилишини чақиради, деб хабар берди Telegraph газетаси.

Қайд этилишича, йиғилишда касалликнинг тарқалиш йўллари, унинг бесоқолбозлар ўртасида тарқалиши мавзулари муҳокама қилинади.

Маймун чечаги – безгак, умумий интоксикация, мушакларда оғриқ ва терида тошмалар пайдо бўлиши аломатларига эга касаллик.