Қўшимча функционаллар
-
Тунги кўриниш
Тошкентда суғурта полислари пулини ўзлаштирган собиқ директор ва унинг шериги аниқланди
Тошкент шаҳрининг Учтепа туманида суғурта полислари пулини ўзлаштирган собиқ директор ва унинг шериги аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Фото: Pixabay
Бош прокуратура ҳузуридаги департаментнинг Учтепа туман бўлими томонидан тадбиркорлик субъектларини ҳимоя қилиш юзасидан терговга қадар текширув ўтказилган.
Унда, “H.S.” АЖ Тошкент вилояти филиалининг собиқ директори М.О. ва суғурта агенти С.И. томонидан қатъий ҳисобда турувчи умумий қиймати 725,3 млн сўмлик 7 775 дона суғурта полисларини мижозларга сотиб, савдодан тушган нақд пул маблағларни талон-торож қилгани аниқланган.
Шунингдек, мазкур суғурта полисларидан 14 таси йўл ҳаракати ҳодисаси содир этилганидан кейин расмийлаштирилиб, фуқароларга жами 315,4 млн сўм суғурта қопламаси ноқонуний тўлаб берилгани натижасида АЖ манфаатларига жами 1 040,7 млн сўм зарар етказилган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилган.
Хабарда айтилишича, ҳозирда тергов ҳаракатлари ўтказилмоқда.
Мавзуга оид
09:10 / 15.11.2024
Тошкентда дорилар савдоси билан шуғулланиб келган шахслар ушланди
18:38 / 13.11.2024
“Шароитидан ҳам, ўқитувчиларидан ҳам қўрқиб кетдим” — Тошкентдаги ўқув марказидан одамлар норози
14:31 / 13.11.2024
Хизматда жароҳат олган ҳарбийларга суғурта тўлови берилади
15:05 / 12.11.2024