Маҳалла вазирлиги ҳузурида «Обод ва хавфсиз маҳалла» жамғармаси ташкил этилди

Norma’нинг ёзишича, Маҳалла ва нуронийларни қўллаб-қувватлаш вазирлиги ҳузурида бюджетдан ташқари «Обод ва хавфсиз маҳалла» жамғармаси ташкил этилди.

Ҳужжат билан қуйидагилар тасдиқланди:

Маҳалла ва нуронийларни қўллаб-қувватлаш вазирлиги тўғрисидаги низом (1);

Маҳалла ва нуронийларни қўллаб-қувватлаш вазирлиги «Обод ва хавфсиз маҳалла» жамғармаси тўғрисидаги низом (2).

Низом (1) қуйидагиларни белгилайди:

вазирлик мақоми, асосий вазифалари ва функциялари;

вазирлик тизими, унинг марказий аппарати ва ҳудудий бўлинмалари асосий вазифалари ва функциялари;

вазирлик, унинг марказий аппарати ва ҳудудий бўлинмалари ҳуқуқлари ҳамда жавобгарлиги;

вазирлик, унинг марказий аппарати ва ҳудудий бўлинмалари раҳбар ва ходимлари асосий функционал вазифалари ҳамда жавобгарлиги;

вазирлик ва унинг ҳудудий бўлинмалари фаолиятини молиялаштириш, улар ходимлари меҳнатига ҳақ тўлаш ва моддий рағбатлантириш тартиби.

Вазирлик асосий вазифаларига қуйидагилар киради:

маҳаллалар фаолиятини қўллаб-қувватлаш, улар ҳуқуқ ва қонуний манфаатларини ҳимоя қилиш, маҳалла тизимини ривожлантириш бўйича таклифлар ишлаб чиқиш;

маҳаллалар жамиятдаги ўрни ва ролини кучайтириш, аҳоли кундалик муаммолари билан ишлаш ва таъсирчан жамоатчилик назоратини амалга оширишдаги мавқейини юксалтириш;

нуроний ва кексаларни маҳаллаларда оилаларни мустаҳкамлаш, миллий ва умуминсоний қадриятларни асраб-авайлаш, ёшларни ватанга муҳаббат, эзгулик ва раҳмдиллик сингари анъаналарни ҳурмат қилиш руҳида тарбиялашга кенг жалб этиш;

нуроний ва кексаларни қўллаб-қувватлаш соҳасига оид қонунчилик ҳужжатлари ижроси, шу жумладан, ҳудудларда, айниқса, олис қишлоқларда кекса авлод вакилларига тиббий-ижтимоий хизматлар кўрсатилишини мувофиқлаштириб бориш;

ўзгалар парваришига муҳтож бўлган ёлғиз кексаларни ижтимоий ва моддий қўллаб-қувватлаш, улар муаммоларини ўрганиш ҳамда манфаатдор давлат органлари ва ташкилотлари билан биргаликда ҳал этиш чораларини кўриш;