У шунингдек Одессага ташриф буюрди.
Украина президенти Володимир Зеленский олдиндан эълон қилинмаган ҳолда Николаев областига ташриф буюриб, украин ҳарбийларининг олдинги позициясида бўлди.
Украина президенти сайти ва унинг ижтимоий тармоқлардаги саҳифаларида хабар қилинишича, давлат раҳбари фронтдаги вазият тўғрисида оператив маълумотларни тинглаган, шунингдек ҳарбийларга давлат мукофотлари топширилган.
Володимир Зеленский Николаев области маъмурияти раҳбари Виталий Ким ҳамда Николаев шаҳри мэри Олександр Сенкевични тақдирлаган.
Кейинроқ у Одессага ҳам ташриф буюрган ва россияликлар ракета зарбасига учраб, вайрон бўлган уйни тиклашни ваъда қилган, шунингдек, ҳарбийлар ва шифокорларга давлат мукофотларини топширган.
«Бу даҳшатли жиноят, уни ҳеч қанақасига оқлаб бўлмайди. Бу уйда яшаганларнинг барчаси қайтиши учун бу уйни албатта тиклаймиз», — дея ёзган у ўз телеграм-каналида.
23 апрел куни Одессага ракета зарбаси берилиши оқибатида кўп қаватли турар жой биносида 8 киши, жумладан бир оиланинг уч авлоди вакили - буви, она ва уч ойлик чақалоқ ҳалок бўлганди.
- Украина президенти урушнинг дастлабки даврида Киевдан ташқарига чиқмаганди. Май ойида у Харкивдаги фронт чизиғига борди. 6 июн куни эса Донбасс ва Запорожье областларидаги фронт чизиғига ташриф буюрди. Николаев Россия қўшини томонидан ишғол этилган Херсондан 90 километр масофада жойлашган.
