Қўшимча функционаллар
-
Тунги кўриниш
Германиянинг Uniper энергетика компанияси инқироз сабабли давлатдан ёрдам сўрашга мажбур бўлди
ГФР иқтисодиёт вазирлиги Uniper билан музокара олиб бормоқда.
Фото: Picture Alliance
Германиянинг Uniper компанияси Россия-Украина низоси фонида инқирозли вазиятга учраганини маълум қилган ва давлатдан ёрдам сўраган дастлабки йирик энергетика компанияси бўлди.
Германия иқтисодиёт вазирлиги Дюсселдорфда жойлашган компания билан музокара олиб борилаётганини тасдиқлади.
"Музокара давом этмоқда. Бунга Россиянинг Украинага бостириб кириши натижасида газ нархининг кескин кўтарилиши ва Россиядан суюлтирилган газ етказиш ҳажмининг камайиши сабаб бўлди", - деб маълум қилди вазирлик.
Uniper раҳбари Клаус Дитер Маусбахнинг сўзларига кўра, ҳозирда кафолат тақдим этилиши, мавжуд кредит линиясини ошириш ва компания капиталида давлатнинг иштирок этиши кўриб чиқилмоқда.
Uniper молиявий директори Тина Туомеланинг маълумот беришича, компания 14 июндан бери шартномада кўрсатилган газнинг атиги 40 фоизини олган.
Uniper Финландиянинг Fortum концернининг шуъба компанияси ҳисобланади. Компания шунингдек, Германия, Австрия ва Буюк Британиядаги 9та ерости газ омбори оператори ҳамдир.
Мавзуга оид
10:46 / 09.07.2024
Андижон, Фарғона ва Сурхондарёда электр тармоқларига ноқонуний уланиш ҳолатлари фош этилди
16:48 / 06.07.2024
577 сўмдан 998 сўмгача — ИЭСларда ишлаб чиқарилаётган электр энергиясининг таннархи қанча?
14:04 / 03.07.2024
Сув таъминоти корхонаси Юнусободдаги тошқинга свет ўчгани сабаб бўлганини билдирди. Энергетика вазирлиги буни рад этди
20:30 / 02.07.2024