Huawei янги смартфонларини тақдим этди

Смартфонларнинг ўзига хос жиҳати уларнинг олд камерасидир. Янги қурилмаларнинг олд камераси 60 мегапикселга тенг.

Фото: Huawei

Huawei компанияси Nova 10 ва Nova 10 Pro смартфонлари тақдимотини ўтказди.

Ҳар икки қурилма Snapdragon 778G процессори билан жиҳозланган бўлиб, уларнинг тезкор хотираси 8 Гб, доимий хотираси эса 128 ёки 256 Гб. Nova 10 6,6 дюймли, Pro версияси 6,7 дюймли OLED-экранга эга.

Nova 10 сиғими 4000 мА·с, Nova 10 Pro 4500 мА·с бўлган аккумулятор билан жиҳозланган. Смартфонлар HarmonyOS 2 операцион тизимида ишлайди. Huawei Nova 10 нархи 400 ва Huawei Nova 10 Pro нархи 550 долларга тенг.