7TECH бренди ўзининг илк смартфони — Connect U7 моделини тақдим этди. Қурилма компаниянинг смартфон бозоридаги илк маҳсулоти бўлиб, унинг асосий хусусиятларидан бири 7TECH’нинг маиший техника қурилмалари билан интеграциялашганидир.
Connect U7 орқали мос 7TECH маиший техникаларини смартфон ёрдамида масофадан бошқариш мумкин. Бу функция қурилмани компаниянинг бошқа маҳсулотлари билан ягона экотизимда ишлатиш имконини беради.
Смартфон 6,67 дюймли AMOLED дисплей ва 120 Hz янгиланиш частотаси билан жиҳозланган. Қурилма MediaTek Dimensity 7400 процессорида ишлайди, асосий камераси 108 MP, батарея сиғими эса 5000 mAh. Шунингдек, смартфон 33 W тезкор қувватлаш ва 5G тармоқларини қўллаб-қувватлайди.
Connect U7 8/128 GB ва 8/256 GB хотира конфигурацияларида тақдим этилмоқда. Компания маълумотларига кўра, Connect U7 — Ўзбекистондаги илк смартфон эмас, балки айнан 7TECH бренди остида чиқарилган илк смартфон.
Шу билан 7TECH маиший техника йўналишидан ташқари, смартфон орқали ушбу қурилмаларни бошқариш имконини берувчи экотизимни ҳам ривожлантиришни бошламоқда.
Web-sayt | Instagram | Telegram
Реклама ҳуқуқи асосида
