Шавкат Мирзиёев Марказий Осиёда чегара савдо зоналари тизимини яратиш таклифи билан чиқди

Ўзбекистон раҳбари Марказий Осиёда товарларни етказиб беришнинг ягона ва соддалаштирилган тартиб-қоидаларига эга бўлган чегара савдо зоналари тизимини яратишни таклиф қилди.

Бундан ташқари қуйидаги таклифлар билдирилди:

• ҳар йили Марказий Осиё минтақалари форуми ўтказилишини йўлга қўйиш;
• Ҳиндистон, Покистон ва Хитой бозорларига чиқиш учун муқобил транспорт йўлакларини илгари суриш бўйича “йўл харитаси”ни ишлаб чиқиш;
• аҳолини кенг номенклатурадаги озиқ-овқат маҳсулотлари билан кафолатли таъминлашнинг комплекс схемасини биргаликда ишлаб чиқиш;
• Марказий Осиё маданият, санъат ва кино фестивалини мамлакатларда навбатма-навбат ўтказиш;
• ўзаро туристик оқимларни кўпайтириш бўйича аниқ таклифлар тайёрлаш учун қўшма экспертлар гуруҳини ташкил этиш;
• ёшлар сиёсатининг умумий йўналишлари бўйича кўп томонлама шартномани тайёрлаш.

Бундан олдин Шавкат Мирзиёев Марказий Осиё давлатлари махсус хизматлари раҳбарлари доимий маслаҳатлашувини йўлга қўйишни таклиф қилганди.