Доимий аҳолининг неча фоизи меҳнатга лаёқатли экани маълум қилинди. Давлат статистика қўмитаси тегишли хабар билан чиқди.
Қўмитанинг дастлабки маълумотларига кўра, 2022 йил 1 июль ҳолатига Ўзбекистон доимий аҳолисининг ёш гуруҳлари бўйича таркиби қуйидагича:
- меҳнатга лаёқатли ёшдан кичиклар – 31,6 фоиз;
- меҳнатга лаёқатли ёшдагилар – 57,2 фоиз;
- меҳнатга лаёқатли ёшдан катталар – 11,2 фоиз.
Бундан олдин Тошкентда энг кўп аҳоли истиқомат қилувчи туман маълум қилинганди.
Тошкент шаҳар статистика бошқармаси маълумотига кўра, пойтахтда доимий аҳоли сони 2022 йил 1 июл ҳолатига кўра 2 миллион 909 минг 500 кишини ташкил этмоқда.
Шаҳар туманлари кесимида 2022 йилнинг 1 июл ҳолатига кўра, энг кўп аҳоли Олмазор туманида бўлиб, 390 минг кишини ташкил этди.