Тошкент шаҳрида пневматик қурол олиб юрган яна бир ҳайдовчи аниқланди. Бу ҳақда Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати хабар бермоқда.
2022 йил 30 август куни соат 23:30 ларда Тошкент шаҳар Яккасарой туманида хизмат олиб бораётган ЙПХ ходимлари А.Сориев ва Ж.Пармоновлар томонидан Бобур кўчаси бўйлаб ҳаракатланиб келаётган, ҳайдовчи, 1994 йилда туғилган А.С. бошқарувидаги Lacetti автомобили тўхтатилган.
Қайд этилишича, автомашина холис ва гувоҳлар иштирокида текширилганда, унинг салонидан тегишли ҳужжатлари бўлмаган пневматик қурол топилган.
Мазкур ҳолат юзасидан тегишли ҳужжатлар расмийлаштирилиб, фуқаро А.С. ва қурол Яккасарой тумани ИИО ФМБга топширилган.
Бундан олдин Тошкентда ЙПХ ходимлари тўхтатган “Нексия-3” салонидан қурол топилгани хабар қилинганди.
