Учтепа ва Чилонзор туманлари айрим ҳудудларида иссиқ сув таъминоти тўхтатилади

Тошкент шаҳрининг Учтепа ва Чилонзор туманлари айрим ҳудудларида иссиқ сув таъминоти вақтинча тўхтатилади.

«Veolia Energy Tashkent» («Тошиссиққуввати») хабарига кўра, бугун, 2022 йил 5 сентябр куни соат 18:00 га қадар 5-ИМдаги магистрал иссиқлик қувурида таъмирлаш ишлари олиб борилади.

Шу муносабат билан Учтепа ва Чилонзор туманларининг айрим ҳудудларида иссиқ сув таъминоти вақтинча тўхтатилади.

Таъмирлаш ишлари якунланиши билан иссиқ сув таъминоти тикланади.