Себзорда гуруҳ бўлиб ҳаракатланган ва танасини машинадан чиқариб олган 5 кишига баённома расмийлаштирилди

Тошкентда йўл ҳаракати қоидаларини четлаб ўтган ҳайдовчиларга қонуний чора кўрилди.

Ижтимоий тармоқларда Олмазор тумани Себзор кўчасида бир қанча транспорт воситалари ҳайдовчилари йўл ҳаракати хавфсизлигига таҳдид солувчи гуруҳ бўлиб ҳаракатлангани ҳамда улар йўловчилари машинадан тана қисмларини чиқаргани акс этган видеолавҳа тарқалди.

Тошкент шаҳар ИИББ Йўл ҳаракати хавфсизлиги бошқармаси хабарига кўра, ушбу ҳолат юзасидан Тошкент шаҳар ИИББ ЙҲХБ ходимлари томонидан, ҳайдовчи ва йўловчиларга нисбатан Маъмурий жавобгарлик тўғрисидаги кодекс тегишли моддалари билан маъмурий баённома расмийлаштирилди.

ЙҲХБ маълумотида айтилишича, ҳайдовчи ва йўловчилар билан профилактик суҳбат ҳам ўтказилган.