“Тиббиёт муассасаларини моддий рағбатлантириш ва ривожлантириш жамғармаси тўғрисидаги низомни тасдиқлаш ҳақида”ги ҳужжат лойиҳаси эълон қилинди.
Низомга кўра, жамғарма даромадларини шакллантиришда тиббиёт муассасаси учун ажратиладиган давлат бюджети маблағлари умумий ҳажмига нисбатан қуйидаги миқдорларда шакллантирилади:
- туман ва шаҳарлар даражадаги барча тиббиёт муассасаларда – умумий харажатлар 10 фоизи;
- шошилинч ва тез тиббий ёрдам хизмати, болалар тиббиёт муассасалари, санитария-эпидемиологик осойишталик ва жамоат саломатлиги хизмати ҳамда ижтимоий касалликларга (сил, буйрак етишмовчилиги, онкологик, руҳий, наркологик, эндокрин, мохов (лепра), юқумли, жинсий йўл билан юқтириладиган, ОИТС) ихтисослашган тиббиёт муассасаларида – умумий харажатлар 10 фоизи;
- республика ва вилоят даражасидаги бошқа тиббиёт муассасаларида – умумий харажатлар 5 фоизи;
- фаолият ихтисослиги бўйича товарларни (ишларни, хизматларни) реализация қилишдан олинган даромадлар (товарларни (ишларни, хизматларни) реализация қилишдан тушган тушумлар ва уларни ишлаб чиқариш бўйича харажатлар ўртасидаги ижобий фарқи);
- ҳисобот чораги сўнгги иш куни охирида харажатлар сметаси бўйича тежалган маблағлар, капитал қўйилмаларни молиялаштириш учун назарда тутилган маблағлар бундан мустасно;
- тиббиёт муассасаси балансида турган мол-мулкни ижарага беришдан олинган маблағлар бир қисми;
- белгиланган тартибда бюджет ташкилотлари тасарруфида қолдириладиган маблағлар;
- ҳомийликдан олинган маблағлар.
Харажатларни амалга ошириш учун жамғарма маблағлари қуйидаги икки йўналишга:
- 75 фоизи барча тиббиёт муассасалари тиббиёт, фармацевтика ва бошқа ходимларни моддий рағбатлантиришга (ишга виждонан муносабати ва кўрсатилаётган тиббий ёрдам юқори сифати учун базавий тариф ставкасига (ойлик лавозим маоши) ойлик устамалар белгилаш, моддий ёрдам ва мукофотлар тўлаш шаклида, иш ҳақидан ажратмалар билан биргаликда);
- 25 фоизи – тиббиёт муассасаси моддий-техника базасини мустаҳкамлаш, модернизация қилиш ҳамда таъмирлашга йўналтирилади.
Тиббиёт муассасаси ходимларига моддий рағбатлантириш қуйидаги турлари қўлланилади:
- давлат тиббиёт муассасаси юқори малакали, алоҳида натижага эришган, ҳалол ва виждонан ишлаётган тиббиёт ҳамда фармацевтика ходимларига ойлик лавозим маоши 100 фоизигача ҳамда бошқа ходимларга 75 фоизигача ойлик устамалар;
- янги иш бошлаган салоҳиятли ёш шифокорларга 1 млн сўмгача махсус ойлик устамалар;
- оилавий шифокор пунктлари, оилавий поликлиникалар ва кўп тармоқли марказий поликлиникаларда кундузги стационар иш вақтини соат 20:00 гача узайтириш ҳисобига иккинчи сменада ишловчи шифокор ҳамда ҳамшираларга лавозим маоши 30 фоизигача ойлик қўшимча устамалар;
- тиббиёт муассасалари ходимларига касбий ва бошқа байрамлар муносабати билан бериладиган мукофотлар, моддий ёрдам пуллари.
Ойлик фоизли устамалар тиббиёт муассасаси шахсий ғазна ҳисобварағида мавжуд бўлган маблағлардан қуйидаги биринчи навбатда тўланадиган тўловларни чегирилган қисми ҳисобидан амалга оширилади:
- оилавий шифокор пунктлари, оилавий поликлиникалар ва кўп тармоқли марказий поликлиникаларда кундузги стационар иш вақтини соат 20:00 гача узайтириш ҳисобига иккинчи сменада ишловчи шифокор ҳамда ҳамшираларга лавозим маоши 30 фоизигача ойлик қўшимча устамалар;
- янги иш бошлаган салоҳиятли ёш шифокорларга 1 миллион сўмгача махсус ойлик устамалар;
- жамғарма ҳисобидан устамалар, рағбатлантириш, байрамларда мукофотлар ва моддий ёрдам пуллари учун шахсий ғазна ҳисобварағида мавжуд бўлган маблағлар 10 фоиз қисми.
Жамғарма маблағларини тасарруф этиш бўйича махсус комиссия тегишли қарори асосида қабул қилинган тиббиёт муассасаси раҳбари буйруғига мувофиқ янги иш бошлаган салоҳиятли ёш шифокорларга ишга қабул қилинган кундан бошлаб 1 млн сўмгача махсус ойлик устамалар белгиланади.
Махсус ойлик устамалар янги иш бошлаган салоҳиятли ёш шифокорларга биринчи уч йиллик меҳнат фаолияти учун белгиланади. Бунда янги иш бошлаган салоҳиятли ёш шифокорлар учун ҳар ойда: биринчи йил учун – 1 миллион сўмдан; иккинчи йил учун – 750 минг сўмдан; учинчи йили учун – 500 минг сўмдан белгиланади.
