Австриянинг OBB темирйўл компанияси 2023 йил ёзидан NightJets – ҳашаматли юқори технологик поездларни йўлга қўйишни режалаштирмоқда.
Маълумот берилишича, ушбу поездлар 8 мамлакатдаги 25та йўналишда ҳаракатланади.
Янги поездлар еттита вагондан иборат бўлади. Купелар икки ва тўрт ўринли бўлиб, ёлғиз ўзи кетишни истайдиган йўловчиларга мўлжалланган мини-каюталар ҳам бўлади.
Купеларда ҳожатхона ва чўмилиш хоналари жойлашган бўлиб, йўловчиларга нонушта ҳам берилади.
Поездлар 254 нафар йўловчини ташишга мўлжалланган. Уларнинг тезлиги соатига 230 километрни ташкил этади.
