Express24 да пиёда ва велосипеддаги курьерлар қанча пул топадилар?

Куръер ва почта куни байрами арафасида Express24 етказиб бериш хизмати сизлар билан бир нечта курьерларнинг велосипедда ва пиёда етказиб бериш ҳақидаги ҳикоялари билан бўлишади, шунингдек, Тошкент, Самарқанд, Бухоро, Фарғона, Қўқон ва Андижон шаҳарларидан ишлаш истаги бўлганларни ишга таклиф қилади.

Express24 барча куръерларимизни касб байрамлари билан муборакбод этади ва уларнинг астойдил кўрсатган хизматлари учун катта миннатдорчилик билдиради.

Ҳозирда Express24 да 1500 дан ортиқ киши етказиб бериш билан шуғулланади, аммо курьерлик учун бўш ўринлар Тошкентда ҳам, Самарқанд, Бухоро, Андижон, Фарғона, Қўқонда ҳам очиқлигича қолмоқда. Express24 курьерларининг ҳикоялари орқали иш фаолияти, имтиёзлар ва иш ҳақи ҳақида кўпроқ билиб олишингиз мумкин.

Муҳаммад, 27 ёш - велосипед курьери

Мен Express24-га тахминан 2 ой олдин шу ерда ишлайдиган дўстимнинг маслаҳати билан ишга келдим. Ҳозирда бу менинг асосий ишим ҳисобланади.

Велосипедда етказиб бериш мен учун муаммо эмас, ғилдирак тешилишини ҳисобга олмаса, велосипед ҳаракатланишнинг жуда қулай усулидир. Афзалликлари эса жуда кўп, аммо асосийси - ҳаракатланиш қулайлиги. Мен куннинг тиғиз вақтида тирбандликни бемалол айланиб ўтишим ёки машина ўта олмайдиган йўналишни қисқартиришим мумкин. Бу иш тезлигига таъсир қилади, мен буюртмаларни тезроқ етказиб бера оламан.

Курьер сифатида ишлаш жуда қулай, айниқса, менга ўз иш жадвалимни ўзим тузишим, вақтим ва кучим бўлганда буюртмаларни етказиб беришим айниқса ёқади. Кунига 15-20 та буюртма етказиб бера оламан ва тахминан 165 000 - 225 000 сўм даромад оламан.

Сергей, 42 ёш - пиёда курьер

Мен Express24 хизматида тахминан олти ойдан бери пиёда курьер бўлиб ишлаб келаман. Мени бу ерга анчадан бери курьер бўлиб ишлаган дўстим олиб келган. Аввалига шахсий мото-велосипедимда буюртмаларни етказиб берардим, лекин у бузилиб қолди ва буюртмаларни пиёда етказиб беришга қарор қилдим.

Мен учун кўп юриш қийинчилик туғдирмайди, шунинг учун буюртмаларни пиёда етказиб бериш мен учун қийин эмас. Агар буюртма 2 км-дан кўп бўлмаган оралиқда бўлса, мен уни иккиланмай оламан. Менинг юриш тезлигим буюртмаларни тез етказиб беришга имкон беради, масалан, мен 1,5 километр масофани 20 дақиқада пиёда босиб ўта оламан.

Етказиб бериш хизматида ишлашнинг кўплаб афзалликлари бор, уларнинг асосийларини айтиб ўтаман:

•  эркин иш жадвали - сиз ўзингизга қулай бўлган ўз иш жадвалингизни тузасиз;

•  офис ёки цехларда бўлгани каби бошлиқнинг йўқлиги;

•  иш ҳақи фақат сизга боғлиқ - агар сиз кўпроқ пул топишни истасангиз, кўпроқ ишлашга ҳаракат қиласиз;

•  ҳаракатланиш йўналишини ўзингиз танлаш имконияти ва ғилдиракнинг тешилиб қолишидан ёки бирон бир нарсанинг синиб қолишидан қўрқмаслик - буларнинг ҳаммаси пиёда амалга ошириладиган ишда мавжуд.

Кунига тахминан 5-8 та буюртма етказиб бераман ва 100 000 - 120 000 сўм атрофида даромад оламан.

Илмилдин, 23 ёш - велосипед курьери

Мен тахминан 2 ойдан бери Express24-да велосипед курьери бўлиб ишлаб келмоқдаман. Бир куни Телеграм-каналида курьерлар қидирилаётгани ҳақидаги эълонни кўриб қолдим ва ишга жойлашиш учун келдим. Ҳозирги вақтда бу менинг асосий ишим.

Велосипедда етказиб беришни амалга оширишда мен учун фақат 2 та қийинчилик бор: баҳор ва ёз фаслидаги жазирама иссиқ, шунингдек, юқорига кўтарилиш. Аммо лекин жуда кўп афзалликлар мавжуд, уларнинг асосийси – бу ҳаракатланиш қулайлиги. Мен машина ҳайдовчисида бўлмаган имкониятга эгаман, яъни қисқа маршрутни танлашим мумкин.

Кунига 14-18 та буюртмаларни етказиб бераман, ҳар доим ҳар хил ва ўртача 150 000 - 200 000 сўм пул топаман.

Олмосон, 30 ёш - велосипед курьери

Мен 1,5 ойдан бери Express24-да курьер бўлиб ишлаяпман. Бунгача мен ресторанда етказиб бериш хизматида ишлаганман, тез-тез Express24 курьерларини кўриб турардим ва улардан иш ҳақида сўрадим. Келдим, жойлашдим ва мана энди бу менинг асосий ишимга айланди.

Велосипедда ишлаш мен учун жуда қулай, унда етказиб бериш бўйича тажрибам бир йилдан ортиқ, шунинг учун мен бунга ўрганиб қолганман. Бундан ташқари, бунда кўплаб афзалликлар мавжуд:

● тирбандликлар йўқ, аниқроғи уларни осонгина айланиб ўтиш мумкин;

● йўллар таъмирланаётган бўлса, сиз айланиб ўтишингиз мумкин;

● ҳовлилар ва маҳаллалар ичида ҳаракатланиш қулай, чунки йўлларнинг кенг ва бўш бўлиши шарт эмас.

Express24-да ўзимни қулай ҳис қиламан, маошим фақат ўзимга боғлиқлигини тушунаман. Кун давомида 15-20 га яқин буюртмаларни етказиб бераман ва тахминан 165 000-225 000 сўм даромад оламан.

Ишга оид саволлар бўйича: t.me/Express24_Jbot

Иловани юклаб олинг:

Веб-сайт: express24.uz

Инстаграм: @express24uz

Телеграм: Express24

Реклама ҳуқуқи асосида