2022 йил 14 ноябрь куни Ўзбекистон президенти администрацияси раҳбари Сардор Умрзоқов иштирокида Ташқи ишлар вазирлиги ҳайъатининг кенгайтирилган йиғилиши бўлиб ўтди.
Фурқат Сиддиқов
Мажлисда Ўзбекистон президенти администрацияси раҳбари Ўзбекистон президентининг ПҚ-420-сон қарори билан ташқи ишлар вазирининг биринчи ўринбосари лавозимига тайинланган Фурқат Сиддиқовни таништирди.
Ф.Сиддиқов бунгача Ўзбекистон Республикаси ташқи ишлар вазири ўринбосари лавозимида ишлаб келган.
Йиғилишда Ўзбекистон президентининг ПҚ-421-сон қарорига мувофиқ Ўзбекистон ташқи ишлар вазирининг ўринбосари этиб тайинланган Баҳром Аълоев ҳам таништирилди.
Б.Аълоев бунгача Ўзбекистоннинг Кувайтдаги фавқулодда ва мухтор элчиси лавозимида ишлаган.
