Наврўз байрамигача жамоат транспорти учун 2000 та автобус сотиб олинади

Президент Шавкат Мирзиёев парламентга мурожаатномасида жамоат транспорти билан боғлиқ вазиятга эътибор қаратди. Наврўз байрамигача республикага 2000 та автобус олиб келиниши маълум қилинди.

«Жамоат транспортидаги вазият мутлақо ўзгаради.

Тошкент шаҳри учун қўшимча мингта замонавий автобус сотиб олинади, 7 та ер усти метро бекати ишга туширилади. 

Буларнинг ҳисобига, ҳар куни 500 мингдан зиёд пойтахт аҳолиси ва меҳмонларига қўшимча қулайликлар яратилади.

Ҳудудларда ҳам йўловчи ташиш сифатини яхшилаш мақсадида, яна мингта автобус ҳаракати йўлга қўйилади.

Бу орқали, жамоат транспорти бўйича аҳвол оғир бўлган 300 та маҳалладаги 1 миллион аҳолининг узоғи яқин бўлади», деди президент.