Оптимизация сабаблари, кадрлар муаммоси, “тиши йўқ” парламент ва ишламаётган жамоатчилик назорати — экспертлар ҳукуматдаги ўзгаришлар ҳақида

Ўзбекистонда 2022 йил охирида ҳукумат таркиби сезиларли даражада янгиланди ва ўзгартирилди. Ўзбекистонликлар бу ўзгаришлар, кимнинг қаердан олингани-ю, қаерга қўйилгани ҳақида аввалроқ эълон қилинган хабарлар орқали танишиб улгурди.

Kun.uz мухбири ҳукуматдаги шу ўзгаришлар, ўзгаришгача бўлган ҳукумат фаолияти, янгилангани қандай ишлаши ва унинг фаолиятида тўсиқ бўладиган муаммоларни таҳлил қилиб интервю ўтказди.

Суҳбатдошларимиз таълим масалалари бўйича эксперт Баҳодир Ғаниев ва Инсон ҳуқуқлари “Эзгулик” жамияти раиси Абдураҳмон Ташанов бўлди.