Юнусободда 17 та машина иштирокида ЙТҲ содир бўлди

2023 йил 12 январь куни соат 20:40 ларда Юнусобод тумани Янгишаҳар кўчасида бир қанча транспорт воситалари тўқнашуви оқибатида йўл-транспорт ҳодисаси содир бўлган.

Жами 17 та автомашина ўртасида тўқнашув юз берган:

• «Нексия-3» - 2 та;
• «Нексия-1» - 2 та;
• «Мерcедес Бенц» - 1 та;
• «Бест туне Т 33» - 1 та;
• «Дамас» - 1 та;
• «Матиз» - 5 та;
• «Спарк» - 2 та;
• «Киа К 5» - 1 та;
• «Волсваген» - 1 та;
• «Исузу» юк машинаси - 1 та.

Йўл-транспорт ҳодисаси натижасида 1 нафар ҳайдовчи ва йўловчи тан жароҳати олган, улар ҳозирда шифокорлар назоратида.

Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.