“Agrobank” АТБга халқаро стандарт бўйича мувофиқлик сертификати берилди

Бугунги кунда “Agrobank” АТБнинг барча бўғинларида коррупцияга қарши курашиш, “ҳалоллик вакцинаси”ни жорий қилиш юзасидан босқичма-босқич ишлар амалга ошириб келинмоқда. 

Бу борадаги мақсадли саъй-ҳаракатларнинг натижасида банк Бош офиси ҳамда мижозлар билан фаолият олиб борувчи Тошкент шаҳар филиалига “CERT International” халқаро аудиторлик ташкилоти томонидан  ISO 37001:2016 халқаро стандарти бўйича мувофиқлик сертификатлари тақдим этилди.

Мазкур халқаро сертификатларнинг қўлга киритилиши ҳозирги трансформация жараёнида хорижий инвесторларни жалб этиш, молия институтлари билан алоқа ўрнатиш ва банк мижозларига хизмат кўрсатишни янги босқичга кўтаришда муҳим аҳамият касб этади.

“Agrobank” матбуот хизмати Telegram канали