Россиянинг «Досье» журналистик суриштирувлар маркази тўплаган маълумотларга кўра, РФ президенти Владимир Путин сўнгги вақтларда мамлакат ичкарисида ҳаракатланишда Ил-96-400 самолётларидан камроқ фойдаланиб, зирҳланган темирйўл махсус составини афзал кўрмоқда.
Бу зирҳланган поезд состави президент учун 2014–2015 йиллардаёқ тайёрланган, бироқ давлат раҳбари ундан 2021 йил ярмига келиб — Россия армияси Украинага бостириб киришидан аввалроқ фаол фойдалана бошлаган.
Поездга эгалик қилувчи «Гранд-Сервис Экспресс» компанияси Юрий Ковалчукнинг жиянига тегишли. Ковалчук — «Россия» банкининг асосий акциядори ва Путиннинг энг яқин дўсти. Унинг тузилмалари Путиннинг Геленжик яқинидаги қасрига ҳам хизмат кўрсатади.
Қароргоҳларга тортилган темир излар
«Проект» маълумотларига кўра, энг қаттиқ қўриқланадиган, вертолёт қўниш майдончасига ҳам эга темирйўл бекатларидан бири Долгие Бороди қишлоғи яқинидаги Валдай миллий парки ҳудудида қурилган. Маҳаллий аҳоли вакилларининг хабар беришича, темирйўл тармоғи фақат президент учун қурилган, журналист бекат деворига яқинлашмоқчи бўлганда қўриқчи уни ҳайдаб юборган.
Бундан ташқари, Москва ва Санкт-Петербург оралиғида қатнаган собиқ машинистнинг ҳикоя қилиб беришича, Валдай яқинидаги темирйўл илгари «жуда ёмон ҳолатда» бўлган, бироқ президент қароргоҳига темирйўл тортиш бошлангач, Путин состави ўтиши керак бўлган йўлларнинг бир қисми таъмирланган, «у бормайдиган участкалар эса таъмирланмай қолиб кетган».
Сунъий йўлдош тасвирларидан маълум бўлишича, Путин учун Валдайдаги бекат 2019 йилда қурилган.
Яна бир бекат Путиннинг Москва областидаги Ново-Огорёво қароргоҳидан 400 метр нарида бунёд этилган, дейишмоқда журналистлар. Нашр маълумотларига кўра, бекат остидаги ер майдони хусусий қўллардан 2015 йилда Федерал қўриқлаш хизмати тасарруфига
