2023 йилнинг январь-февраль ойларида Ўзбекистоннинг ташқи савдо айланмаси 8,9 млрд АҚШ долларини ташкил этиб, 2022 йилнинг мос даврига нисбатан 176,4 млн АҚШ долларига ёки 2 фоизга ошган.
Статистика агентлигининг дастлабки маълумотларига кўра, 2 ойда Ўзбекистоннинг ташқи савдо айланмаси ҳажмида экспорт 3,2 млрд АҚШ доллари ва импорт 5,7 млрд АҚШ долларини ташкил этган.
Ўзбекистон 2023 йилнинг январь-февраль ойларида жаҳоннинг 155 та мамлакати билан савдо алоқаларини амалга оширган.
Маълумот учун, январда Ўзбекистоннинг ташқи савдо айланмаси 5 млрд АҚШ долларини ташкил этган эди.