Баъзи ҳолларда ўйин тақдирида бурилиш ясаш мумкинлигига олдиндан ишониш мумкин. 2017 йилда «Барселона»га «ПСЖ»га қарши афсонавий баҳсда Месси, Неймар ва Суарес ёрдам беришганди. 2019 йилда «Ливерпул» ҳатто Салоҳсиз ҳам каталонияликларни тор-мор этганди, аммо ўшанда мисрлик футболчи жароҳатига қарамай, «Never give up» («Ҳеч қачон таслим бўлма») ёзуви туширилган футболкада стадионга келган ва жамоасига куч берганди.
«Челси»да эса «Реал»га қарши жавоб ўйини олдидан бундай устунликлар йўқ эди. Таркибда барселоналик триони узоқдан бўлса ҳам эслатадиган футболчилар йўқ. Клуб футболчиларига Салоҳнинг футболкасидаги каби иштиёқ ўрнига хўжайиндан танбеҳ берилди. Нуфузли The Telegraph нашри ёзишича, «Челси» хўжайини Тодд Боэли шанба куни навбатдаги мағлубиятдан кейин («Брайтон»га қарши 1:2) жамоа кийим алмаштириш хонасида бир соат қолиб кетган ва натижа учун футболчиларни уялтирган.
Ҳозир Фрэнк Лэмпардга ҳавас қилиб бўлмайди. У «Челси»га халоскор-афсона мақомида ташриф буюрди, аммо унинг дастлабки иш ҳафталари тушкун кечди: уч ўйинда уч мағлубият. Аммо барчасини бир кечада ўзгартириш мумкин эди — бунинг учун Чемпионлар лигасининг амалдаги ғолибини учта тўп фарқи билан енгиш талаб этиларди.
Канте — ҳужумда
Лэмпард ўзида кузирлар йўқлигини тушуниб турарди, шунинг учун нимадир ўйлаб топиш керак эди. Тўғри, Мадриддаги ўйинда «Челси» мураббийлар штабининг ғоялари жамоа ўйинини фақат ёмонлаштирди, аммо барча хато қилиш ҳуқуқига эга. Бу сафар Фрэнк ва-банкка бориб, ҳужумда уч футболчи тушириш билан барчани ҳайратлантирди. Бу мавсумда вазиятларни кўкка совуриши билан кўпчиликнинг кулгисига қолаётган Ҳаверц бошланғич таркибга қайтди. Захира ўйинчиси, ёзда трансферга қўйилиши кутилаётган Галлаҳер ҳам илк дақиқалардан ўйнади. Учинчи форвард эса Канте эди. Лэмпард, афтидан, ушбу француз жароҳатдан тузалиб сафга қайтганидан кейин кўрсатаётган гиперфаолликдан кучли таассурот олган, шу туфайли Нголо олдинги чизиққа юборилди.
Мавзуга оид
«Челси»нинг майдондаги тузилиши Тухелнинг ўтган йилги тактикасини эслатиб юборарди. 3-4-2-1 схемаси, Жеймс ва Кукурелья олдинроққа чиқарилди ва уларга кўп вазифалар берилди, ўтиш фазаларида агрессив ўйин кўрсатилди — барчаси «Челси»нинг энг яхши даврларини эслатарди. Тўлиқ дежавю учун фақат ўтган йилда Мадриддаги жавоб учрашувида бўлгани каби «Реал» дарвозасига гол урилиши етишмаётганди.
Мадриднинг муаммолари
Аммо таркибий қисмларнинг жойини ўзгартириш барибир вазиятлардан фойдаланиш масаласини ҳал қила олмади. 11-дақиқадаёқ Канте ўта қулай позицияда очилди, аммо зарба беришда хато қилди — тўп унинг чап оёғига тўғри келди ва ерга чўпчиб майдон ташқарисига чиқиб кетди.
Two penalty saves and a clutch stop from Courtois! 🚫
— UEFA Champions League (@ChampionsLeague) April 18, 2023
Шу билан бирга, Лэмпарднинг танлови маълум маънода ўзини оқлади: француз футболчиси ҳужумда чиндан фойдали ҳаракат қилди, Жеймс эса мадридликларнинг заиф нуқтасига кучли босим уюштирди, бу ҳудудда жойлаштирилган Камавинга унга ҳар сафар ҳам қаршилик кўрсата олмади.
Бу ғалати эшитилади, аммо «Челси» шу куни «Реал»дан яхшироқ ўйнади. Бир томондан, гап мадридликларнинг ўзида эди — Карло Анчелотти жамоаси анча пассив ҳаракат қилди ва ўзини қониқтирувчи ҳисобни сақлаб қолиш учун ҳам ўйнамади. Модрич ва Кроос шу куни ўзининг энг яхши ўйинларини кўрсатмади — катта эҳтимол билан, асосий муаммо шунда эди. «Реал» майдон марказида кучли босим уюштирмади, бусиз эса меҳмонларнинг олдинги чизиғида вазиятлар яратиб бўлмасди. Одатда Бензема жавоб учрашувларида катта майдонга чиқарди, аммо бу сафар ундай бўлмади. У яққол вазиятлардан бирида тўпни дарвозабон қўлига топширди.
«Челси» биринчи бўлимни жуда кучли ҳужум билан якунлади, бу вазиятда Кукуреля ҳисобни очмаслигининг имкони йўқдек кўринганди, аммо Куртуа қўлининг бир ҳаракати билан майдондаги ўрта даражали футболчи ва юқори савияли дарвозабон ўртасидаги фарқни кўрсатиб берди — агар испаниялик ҳимоячи ўрнида шартли Ҳоланд бўлганида, тўп дарвоза тўридан жой олган бўларди.
Иккинчи бўлим бошида — яна супервазият. Бу сафар Канте форвардлар осонлик билан дарвозани ишғол қиладиган вазиятда туриб тўпни Эдер Милитаога теккизди. Аммо лондонликларда барчаси одатдагидек: бу футболчилар билан кийим алмаштириш хонасида бир кун тарбиявий соат ўтказиш мумкин, аммо гап билан вазиятлардан фойдаланишни яхшилаб бўлмайди.
Мантиқий якун
«Реал» худди барчаси қандай якунланишини билгандек эди. Ҳа, мадридликлар ҳам вақти-вақти билан вазиятлар яратиб туришди, масалан, 20-дақиқада Родригонинг зарбаси устунга текканди, аммо «Челси» кескинроқ ўйнади ва гол уришга яқинроқ кўринганди. Лекин голни барибир «Реал» урди. Меҳмонлар қўққисдан қарши ҳужумга чиқди, ўнг қанотда Родригога пас узатилганида Чалоба позицион хатога йўл қўйди. Бу ҳужумда дарҳол гол урилмади, аммо «Реал» ҳужумни барибир мантиқий якунга олиб бора олди — Винисиуснинг пасидан кейин Родригонинг ўзи дарвозани ишғол этди.
Бу гол амалда «Челси»нинг умидларини кўмиб қўйди, шунга қарамай лондонликлар инерция бўйича олдинга чиқишда давом этишди. Лэмпард ўйинчи алмаштириш имкониятларидан тўлиқ фойдаланди: Жоау Феликс, Стерлинг, Маунт ва Мудрик майдонга тушди — барчаси ҳужумкор кучлар. Анчелотти эса бунга жавобан Бензема ўрнига таянч яримҳимоячиси Тчуаменини туширди, ва барибир «Реал» яна гол урди — яна Родриго биринчи голни деярли такрорлади.
Шундан кейин ўйиннинг якуний қисми расмиятчиликка айланиб кетди, мадридликлар ҳисобни янада йириклаштириб қўйиши мумкин эди, аммо ўйинга қўшиб берлиган дақиқалар охирида уюштирилган қарши ҳужум Винисиуснинг зарбаси Кепа томонидан бартараф этилиши билан тугади. Мудрик ҳам мухлисларга юпанч берувчи голни уришга яқин келди, аммо унинг зарбаси тўғри бормади. Натижада ўйинда 0:2 ҳисоби, икки учрашув натижасига кўра 0:4 — бу икки жамоа савияси ўртасидаги фарқни акс эттирувчи ҳисоб. Шу куни барча нарса «Челси»га қарши эди — ҳатто стадиондаги аудиотизим ҳам, шу куни ўйин олдидан Чемпионлар лигаси мадҳияси янграмади. Лондонликлар уни энди қачон эшитиши катта сўроқ остида.
Неаполликларнинг гуржистонлик легионери пенальтидан фойдалана олмади — ва яримфиналга қизил-қоралар йўл олди. Бу босқичда катта эҳтимол билан Милан дербиси кутмоқда
«Наполи» миланликларга қарши ўн кун ичида икки ўйинни бой бериши (А Серияда 0:4 ва Чемпионлар лигасида 0:1) кўплаб экспертларни якдил хулосага олиб келди — гап Италия чемпионатининг энг яхши тўпурари Осимҳен сафда йўқлиги билан боғлиқ. Гарчи статистика нуқтайи назаридан барчаси унчалик аниқ эмас. Бир томондан, жорий йилда қайд этилган рақамлар бор, унга кўра Кварацхелия нигериялик шериги билан бирга ўйнаган 13 ўйинида гол+пас тизимида 12 очко (6+6) жамғарган, у йўқлигида — бирорта очко йўқ.
Бошқа томондан, ўтган йил кузида Осимҳен «Ливерпул»га қарши ўйинда жароҳат олгач, «Наполи» етти ўйинни усиз ўтказганди. Ўшанда неаполитанликлар қизилларни мағлуб этган, шундан кейин олти ўйиндан иборат ғалабали серия қайд этганди, бу оралиқда «Аякс» Амстердамда тор-мор этилган (6:1) ва «Милан» сафарда мағлубиятга учратилганди (2:1). Фақат ўша босқичда марказий ҳужумчи йўқлиги Симеоне ва Распадори ҳисобига ёпилганди. Ҳозир эса биринчи чоракфинал ўйинида Лучано Спаллетти ихтиёрида бирорта марказий форвард қолмаганди.
«Сан-Сиро»га «Наполи» яхши кайфиятда ташриф буюрмади. Бир ҳафта ўтиб марказий ҳужумчи муаммоси ҳал этилганди, аммо Ким Мин Жэ ва Замбо Ангисса дисквалификацияга учрагани туфайли майдон маркази ва ҳимоя марказида муаммолар юзага келганди. Қолаверса ўн иккинчи ўйинчи — жанубликлар тиффозиси билан ҳам муаммо пайдо бўлди. Улар чипта нархлари юқорилигидан норози эди, қолаверса, байроқ ва баннерлар жойлаштирилиши бўйича полиция билан келиша олмади. «Милан» билан аввалги ўйинда мухлислар норозилик акцияси ўтказиб, бутун ўйин давомида жим ўтиришган ва Спаллеттини шокка туширишганди. Мураббий еврокубок ўйинида бу ҳолат такрорланса, стадионни тарк этиб, уйига йўл олишидан огоҳлантирди. Бунга ҳожат қолмади, ўйин арафасида «Наполи» президенти Аурелио Де Лаурентис мухлислар билан учрашув ўтказди.
Томонлар тил топишишди, клуб хўжайинини полициячилар қўриқлаши масаласи энди ўз долзарблигини йўқотди, фанатлар эса «ғалабага қадар бирга бўлиш» ҳақида ба ёнот беришди. Энг ашаддий мухлислар эса қуруқ сўз билан чекланиб қолишмади ва чоракфиналнинг жавоб ўйинидан олдинги тунда «Милан» футболчилари тунаётган меҳмонхона олдида мушакбозлик уюштирилди. Майдондаги ўйин бошланганида эса қизил-қоралар мезбонларнинг стартдаги ҳужумларига дош беришди, кейин эса биринчи жиддий ҳужумдаёқ пенальти тепиш ҳуқуқига эга бўлишди. Аммо трибуналардаги ҳуштакбозликлар фонида Мерет Жирунинг зарбасини осонгина бартараф этди. Франциялик ҳужумчи 11 йил ичида илк бор «нуқта»дан адашди.
Кўп ўтмай ушбу ҳужумчининг деярли шу нуқтадан йўллаган яна бир зарбаси дарвозабон томонидан қайтарилди. Учрашув неаполликлар сценарийси бўйича кетаётгандек эди, аммо амалда Стефано Пиолининг режаси иш бераётганди. Ортда бошқа жамоадошлари томонидан суғурталанган Калабрия Кварахцелиянинг ёнидан жилмади. Осимҳенга жарима майдонига киришга қўйишмади, мезбонлар узоқ масофадан ҳужум қилишига тўғри келди. Фақат зарбаларнинг аксари ҳимоячилар томонидан тўсилди, юқоридан узатилган барча тўпларга Кьер эга чиқди.
Вақт ўтган сайин «Наполи»нинг муаммолари кўпая бошлади. Спаллетти бир вақтнинг ўзида икки футболчисини алмаштиришига тўғри келди - Политано ва Мариу Руй биринчи бўлим охирига бормай жароҳат туфайли майдонни тарк этишди. Ўйинда сифат йўқолди ва юпқа жой узилди. Ротация футболчиси Ндомбеле оддий вазиятда Кварацхелиянинг узатмасини ўзига бўйсундира олмади, тўпни эгаллаб олган Рафаэл Леау уни жарима майдонигача олиб борди, Ррахманини йўлдан олди ва бўш дарвоза қаршисида турган Жируни тўп билан таъминлади — 0:1.
Хвича, албатта, таслим бўлмади, танаффусдан кейин жестлар ва рақиб ҳудудига ёриб киришлари орқали трибуналарни тўлқинлантирди. Аммо ҳужумларни якунлашда аниқлик етишмади, ўйин охирига бориб эса пеналтидан Менянни доғда қолдира олмади. Ва бу ўйинда меҳмонлар дарвозабони ўз маҳоратини кўрсатишига тўғри келган биринчи вазият бўлди.
«Наполи» жавоб голини жуда кеч урди ва ўзининг нохуш сериясини давом эттирди - жамоа еврокубоклар плей-оффида қаторасига 11-бор биринчи учрашувдаги мағлубият туфайли турнирни тарк этадиган бўлди. Жамоа охирги бор бундай вазифани Диего Марадона билан уддалаганди. Неапол 33 йиллик танаффусдан кейин скудеттони нишонлайди, аммо жамоа халқаро майдонларда муваффақиятсиз иштирок этишда давом этмоқда. «Милан» эса кейинги босқичда катта эҳтимол билан «Интер» билан ўйнайди.
