Тошкентда ҳаракатланиб кетаётган «Ласетти»да ёнғин содир бўлди

Тошкент шаҳрининг Янгиҳаёт туманида «Ласетти» автомобили ёниб кетди. Бу ҳақда Фавқулодда вазиятлар вазирлиги хабар бермоқда.

Жорий йилнинг 24 май куни соат 21:51 да Тошкент шаҳар Янгиҳаёт тумани «Олчазор» МФЙ Қипчоқ кўчасида ҳаракатланиб кетаётган «Ласетти» русумли автомобилда ёнғин содир бўлганлиги тўғрисида шаҳар туман ФВБ бўлимига хабар тушган.

Шунга кўра, 2 та ёнғин-қутқарув экипажи соат 21:54 да воқеа жойига етиб бориб, ёнғин соат 22:00 да ўчирилган.

Ёнғин автомобилнинг электр симларидаги қисқа туташуви сабабли содир бўлганлиги тахмин қилинган. Ёнғин натижада автомобилнинг мотор қисми ёниб зарарланган.

Ҳодиса оқибатида тан жароҳати олган ва ҳалок бўлганлар йўқ.