Самарқандда халқаро конференция муносабати билан айрим йўллар ҳаракат учун ёпилади

Жорий йилнинг 7-8 сентябр кунлари Самарқанд шаҳрида озиқ-овқат хавфсизлиги бўйича халқаро конференция бўлиб ўтиши режалаштирилган.

Тадбирни юқори савияда ўтказиш мақсадида Самарқанд шаҳрининг баъзи йўллари транспорт воситалари ҳаракатланиши учун вақти-вақти билан ёпилади. 

Вужудга келиши мумкин бўлган тирбандликларнинг олдини олиш мақсадида ҳайдовчилар учун бошқа айланма йўллар ташкил этилади.

Ҳаракат қатнови чекланган кўчаларда беморлар ва шошилинч тиббий ёрдамга зарурати бор фуқароларга истисно тариқасида рухсат берилади.