Қўшимча функционаллар
-
Тунги кўриниш
Зарафшон шаҳрида илк бор буйрак кўчириш амалиёти ўтказилди
5 соат давом этган жарроҳлик амалиётида 37 ёшли уканинг чап буйраги 44 ёшли акага муваффақиятли кўчирилган.
Фото: Зарафшон шаҳар ҳокимлиги
Навоий вилояти марказидан қарийб 200 км олисда жойлашган Зарафшон шаҳрида илк бор мураккаб жарроҳлик амалиёти – буйрак трансплантацияси амалга оширилди. Бу ҳақда Kun.uz’га шаҳар ҳокимлиги матбуот хизмати раҳбари хабар берди.
Маълум қилинишича, шаҳар тиббиёт бирлашмасида буйрак кўчириш амалиёти бажарилган. Мураккаб жарроҳлик амалиёт Республика шошилинч тиббий ёрдам илмий маркази трансплантология бўлими ходимлари ҳамда шаҳар шифокорлари ҳамкорлигида амалга оширилган.
5 соат давом этган амалиётда шаҳарда истиқомат қилувчи 37 ёшли Зарифжон Исоқовнинг чап буйраги ўз акаси, 44 ёшли Салоҳиддин Исоқовга кўчириб ўтказилган. Ҳозирда ака-уканинг аҳволи яхши.
Олдинроқ Болалар миллий тиббиёт марказида 6 соат давом этган амалиётда 11 ёшли қизга онасининг буйраги кўчириб ўтказилганди.
Мавзуга оид
13:50 / 22.10.2024
Олимлар ОИВ билан касалланган одамлар ўртасида буйрак кўчириб ўтказиш хавфсизлигини исботлади
14:32 / 13.09.2023
Зарафшон шаҳрининг собиқ ҳокими жиноий жавобгарликка тортилгани маълум бўлди
08:50 / 09.04.2023
Зарафшонда 25 туп дарахт рухсатсиз кўчирилгани аниқланди
17:13 / 03.01.2022