Қашқадарёда қишлоққа кириб қолган айиқлар ушланди ва қўриқхонага қўйиб юборилди

Қашқадарё вилояти, Шаҳрисабз тумани, Сойбўйи қишлоғига тоғли ҳудуддан Тян-Шан қўнғир айиғи болалари кирди.

Вазият юзасидан Экология вазирлиги Қашқадарё вилояти бошқармаси, Шаҳрисабз туман ИИБ, Миллий гвардия, Тошкент ҳайвонот боғи ҳамда Ҳисор қўриқхонаси ходимларидан иборат тезкор ишчи гуруҳ тузилди.

Ишчи гуруҳ томонидан кўрилган оператив чора-тадбирлар натижасида айиқлар махсус ўқ-дорилар ёрдамида ухлатилди.

Шундан сўнг, айиқ болалари «Ҳисор» давлат қўриқхонаси ҳудудига қўйиб юборилди.

Тян-Шан қўнғир айиғи Ўзбекистон «Қизил Китоби»га киритилган ва давлат муҳофазасига олинган.