Uzbekistan Airways авиакомпаниясининг Москвадан Тошкентга парвозни амалга ошираётган HY-604 рейси рейси Урганч аэропортига фавқулодда қўнишни амалга оширди. Бу ҳақда Uzbekistan Airports матбуот хизмати хабар берди.
Бортида 236 йўловчи бўлган Boeing-787 экипажи йўловчилардан бирининг соғлиғи ёмонлашгани сабабли захира аэродромга ўтишга қарор қилган.
Самолёт соат 16:59 да Урганчга қўнган. Самолёт бортида 1978 йилда туғилган йўловчи вафот этгани маълум қилинган.
Соат 18:48 да самолёт Урганчдан Тошкентга учган.
