Исроилнинг АҚШдаги элчихонаси: ҲАМАС жангарилари 100 дан ортиқ исроилликни гаровга олган

Фото: Hatem Ali / AP / Scanpix / LETA

Исроилнинг АҚШдаги элчихонаси ҲАМАС аъзолари 100 дан ортиқ кишини, жумладан тинч аҳоли вакиллари ва исроиллик ҳарбийларни ўғирлаб кетгани ҳақида маълум қилди.

Элчихонанинг ижтимоий тармоқдаги саҳифасида хабар қилинишича, ҲАМАСнинг 7 октябр тонгидаги ҳужумидан кейин 300 дан ортиқ исроилликлар ҳалок бўлиб, камида 1800 киши яраланган

Исроил ҳукумати элчихонанинг 100 киши гаровга олингани тўғрисидаги хабарига ҳозирча муносабат билдирмаган.

ҲАМАСнинг жанговар қаноти 7 октябр куни Исроил мудофаа армиясининг 35 нафар ҳарбийси ва чегарадаги ҳудудга кўчиб келган исроилликлар гаровга олингани тўғрисида хабар тарқатганди. Улар Ғазо бўлгаси томон олиб кетилган. Кейинроқ бу маълумот Исроил мудофаа армияси томонидан тасдиқланди, аммо айнан қанча одам асир олинганига аниқлик киритилмади.

Тайёрлаган Азиз Қаршиев

#Исроил #Ҳамас

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.