Россия Мудофаа вазирлигидаги янги чечен баталёнига Руслан Геремеев қўмондонлик қилади

Чеченистон Ички ишлар вазирлиги ходими Руслан Геремеев Россия Мудофаа вазирлигининг янги чечен баталёнига қўмондон этиб тайинланди, дея хабар бермоқда Чеченистон раҳбари Рамзан Қодиров Telegram’да 24 октябр, сешанба куни кечқурун. 2016 йилда ўлдирилган мухолифатчи сиёсатчи қариндошларининг адвокати Вадим Прохоров интервюда Геремеевни Немцовга суиқасднинг ҳақиқий ташкилотчиси деб билишини айтган. 

Шайх Мансур батальони 

Қодировнинг 2023 йил 25 октябрда Telegram’даги постида айтилишича, Россия Мудофаа вазирлигининг Чеченистонда тузилаётган янги батальони «чечен халқининг атоқли вакили» Шайх Мансур номини олади. Чеченистон раҳбарининг сўзларига кўра, Геремеев билан биргаликда у Гудермесда «баталён ходимларини жойлаштириш учун ҳарбий объектни қуриш ва реконструкция қилиш ишлари олиб борилаётган» қурилиш майдончасига ташриф буюрган ва ушбу ҳудудни кўздан кечирган. 

Шу билан бирга, Чеченистондан Давлат думаси депутати Адам Делимхонов, адвокат Вадим Прохоровга кўра, Руслан Геремеевнинг яқин қариндоши бўлиб, уни лавозимга тайинлангани билан табриклаган. Геремеев «ўзини Чеченистон Республикасининг биринчи президенти, Россия Қаҳрамони Аҳмад-Ҳожи Қодиров жамоасининг муносиб вакили сифатида кўрсатди, у ҳар қандай топшириқни мардона ва юқори даражада бажаради», деб ёзади Делимхонов Telegram’да. 

Борис Немцовнинг ўлдирилиши 

Борис Немцов 2015 йилнинг февралида Болшая Москворецкая кўпригида ўлдирилган. Тергов давомида сиёсатчининг ўлдирилишига алоқадор бўлиши мумкин бўлган бир неча чеченистонлик қўлга олинди, деб эслайди «Новая газета». Нашрнинг қайд этишича, қотиллик вақтида Руслан Геремеевнинг машинаси кўприкда кўринган. Терговчилар уни сўроқ қилмоқчи бўлган, лекин буни амалга ошира олмади, чунки улар унга яшаш жойида чақирув қоғози топшира олмаган ва Геремеев судга келмаган. 

Геремеевнинг собиқ ҳайдовчиси Руслан Мухудинов жиноятнинг расмий ташкилотчиси сифатида тан олинган.