Татаристон раҳбари Рустам Миннихонов Нукусга келди

Татаристон делегацияси Қорақалпоғистондаги қатор заводларга ташриф буюради ҳамда қўшма корхоналар ташкил этиш бўйича музокаралар ўтказади.

Фото: Қорақалпоғистон Республикаси Жўқорғи Кенгеси

Делегацияни Нукус халқаро аэропортида Қорақалпоғистон Республикаси Жўқорғи Кенгеси бошлиғи Аманбай Ўринбоев кутиб олди.

Рустам Миннихонов бошчилигидаги Татаристон делегацияси бугун, 7 ноябр куни Қорақалпоғистонга хизмат сафари билан келди.

7 ноябрь куни Татаристон делегацияси Қорақалпоғистондаги қатор заводларга ташриф буюради ҳамда Қорақалпоғистон раҳбарлари билан қўшма корхоналар ташкил этиш бўйича музокаралар ўтказади.

Шу йилнинг 5 октябр куни Ўзбекистон президенти Шавкат Мирзиёев Россияга бўлган расмий ташрифи чоғида Қозон шаҳрида Татаристон раҳбари Рустам Миннихонов билан учрашганди.

Учрашувда давлат раҳбари Татаристон раҳбари билан муҳим йўналишларда ҳамкорликнинг қўшма «йўл хариталари»ни амалга оширишга келишиб олди.

Рустам Миннихоновнинг ҳозирги ташрифи юқорида қайд этилган «йўл хариталари»да келишилган масалалар ижросини таъминлаш мақсадида амалга оширилмоқда.