Солиқ қўмитасининг ҚҚС маъмуриятчилиги бошқармаси ҚҚС тўловчиларини махсус рўйхатдан ўтказиш бўлими бошлиғи ва қўмитанинг Солиқ тўловчиларга хизмат кўрсатиш департаменти директори ўринбосари, шунингдек, Тошкент шаҳар Солиқ бошқармаси камерал солиқ текширувлар шуъбаси бошлиғи устидан жиноят иши очилган.
Kun.uz манбасига кўра, улар жиноят иши доирасида эҳтиёт чораси сифатида қамоққа олинган.
Манбанинг билдиришича, солиқ идоралари мансабдорлари ўзлаштириш ва растрата йўли билан талон-торож қилиш ҳамда мансаб сохтакорлигида гумонланмоқда.
- Аввалроқ сўнгги бир ойда коррупцияга қарши курашиш тадбирлари доирасида ўнга яқин мансабдор қўлга олингани маълум бўлганди.
- Хусусан, собиқ қишлоқ хўжалиги вазири Азиз Воитов талон-торож ва ваколатини суиистеъмол қилишда, Бекобод тумани ҳокими Шуҳрат Мирзаев бюджет маблағларини ўзлаштирганликда, Наманган вилояти ҳокими ўринбосари Саидаҳмад Султонов ерларни ноқонуний сотиш билан боғлиқ жиноят ишда гумонланиб қўлга олинган.
