Ўзбекистон ташқи ишлар вазирининг биринчи ўринбосари ва Кувайт компанияси президенти ҳамкорликни фаоллаштириш бўйича қўшма чора-тадбирлар режасини келишиб олди.
Фото: Ташқи ишлар вазирлиги матбуот хизмати
Ўзбекистон ташқи ишлар вазирининг биринчи ўринбосари Баҳром Аълоев Кувайтнинг Petroleum Dynamics компанияси президенти Аҳмад ал-Утайбийни қабул қилди.
ТИВ маълумотига кўра, учрашувда иқтисодий дипломатияни фаол илгари суриш, жумладан, Кувайт сармояларини Ўзбекистонга жалб этиш ва қўшма инвестиция лойиҳаларини амалга ошириш масалалари муҳокама қилинди.
Petroleum Dynamics компанияси билан ҳамкорликни фаоллаштириш бўйича қўшма чора-тадбирлар режасини ишлаб чиқиш ва амалга ошириш бўйича келишувга эришилди.
