Рус авиакомпаниясининг Тошкент-Москва рейси номаълум муддатга кечиктирилди

Техник сабаблар билан Россиянинг Aeroflot авиакомпанияси амалга ошириши керак бўлган Тошкент – Москва рейси кечиктирилди. Uzbekistan Airports айни вақт парвоз кечикиш вақти 6 соатдан ошганини маълум қилди.

Фото: Uzbekistan Airports

Тошкент вақти билан 8 феврал куни соат 03:45 да парвоз қилиши режалаштирилган SU1871, Тошкент – Москва рейси техник сабабларга кўра номаълум муддатга кечиктирилди.

Россиянинг Aeroflot авиакомпанияси амалга ошириши керак бўлган парвознинг кечикиш вақти 6 соатдан ошмоқда. Бу ҳақда Uzbekistan Airports хабар берди.

Таъкидланишича, авиакомпания томонидан рейс йўловчиларини меҳмонхонага жойлаштириш ташкиллаштирилган. Расмий хабарда парвоз жадвалига киритилган ўзгартиришлар тўғрисидаги батафсил маълумотларни авиаташувчидан, шунингдек, Uzbekistan Airports расмий сайти ва мобил иловаси орқали олиш мумкинлиги эслатилган.