Доллар курси 12600 сўмдан ошди

Тижорат банкларида 1 АҚШ долларининг сотув курси 12 610 сўмгача кўтарилди.

Фото: Kun.uz

Бугун, 14 март куни тижорат банкларида 1 АҚШ долларининг сотув курси 12545–12610 сўм, сотиб олиш курси 12485–12520 сўмни ташкил қилмоқда.

Жорий йилнинг бошидан бери миллий валюта биринчи рақамли халқаро валютага нисбатан 1,62 фоизга ўз қадрини йўқотган. Бу кўрсаткич 2023 йил давомида 9,7 фоизни ташкил қилган.

Ўзбекистон Марказий банки 14 мартдан бошлаб 1 АҚШ долларининг миллий валютага нисбатан қийматини 12 546,02 сўм (+12,01 сўм) деб белгилаган.

Марказий банк белгилайдиган хорижий валюталарнинг сўмга нисбатан расмий курси Ўзбекистон ҳудудида бухгалтерия ҳисоби, статистика ҳисоботи ва бошқа ҳисобот мақсадлари учун, шунингдек божхона ва бошқа мажбурий тўловларни ҳисоблаш учун ишлатилади.