Ҳиндистоннинг Ўзбекистондаги элчиси ўз миссиясини якунлаяпти

Ўзбекистон ташқи ишлар вазири Бахтиёр Саидов Ҳиндистон элчиси Маниш Прабхат билан учрашди.

Фото: Telegram / bakhtiyor_saidov

Ташқи ишлар вазирлиги хабарига кўра, Маниш Прабхат Ҳиндистоннинг мамлакатдаги элчихонаси раҳбари сифатида дипломатик миссиясини якунлаяпти.

“Биз Элчи жанобларининг фаолияти давомида Ўзбекистон ва Ҳиндистон ўртасида стратегик шерикликни бойитиш борасидаги саъй-ҳаракатларини юқори баҳолаймиз ва келгуси ишларида муваффақиятлар тилаймиз”, дея маълум қилди Бахтиёр Саидов.