Италияда Тошкентдан Римга йўлга қўйилган парвозларнинг очилиш маросими бўлиб ўтди

Рим шаҳридаги Леонардо Да Винчи халқаро аэропортида Uzbekistan Airways авиакомпанияси томонидан йўлга қўйилган Тошкент-Рим-Тошкент йўналиши бўйича учадиган ҳаво қатновларининг очилиш маросими бўлиб ўтди.

Фото: «Дунё» АА

"Дунё" хабарига кўра, Римдан Тошкентга йўл олган биринчи рейс орқали 115 нафар йўловчи учиб кетди. Уларнинг 95 нафарини италиялик туристлар, 20 нафарини Ўзбекистон фуқаролари ва туроператорлар ташкил қилди.

Тошкент-Рим-Тошкент йўналиши бўйича парвозлар ҳафтанинг якшанба кунига қўйилган. Парвозлар йўловчилар учун хавфсизлик ва қулайликнинг энг юқори стандартларини таъминловчи янги Airbus A321neo самолётларида амалга оширилади.

Сайёҳлар томонидан бўлган юқори талабга биноан Uzbekistan Airways’нинг Рим йўналиши бўйича учадиган самолётлари Урганчда ҳам тўхтаб ўтади. Бунинг натижасида сайёҳлик йўналиши бўйича Хоразмга ташриф буюрган туристлар Ипак йўлининг асосий манзилларидан бири бўлган кўҳна Хива шаҳри билан танишлари мумкин бўлади.