Қорақалпоғистонда "Орол туризми" ҳафталиги бўлиб ўтади

Шу йилнинг 16-19 апрел кунлари Қорақалпоғистон Республикасининг Нукус шаҳри ва Мўйноқ туманида "Орол туризми" ҳафталиги ўтказилади.

Фото: Дунё

Туризм қўмитаси маълумотига кўра, ҳафталик доирасида "Оролбўйи эзгу ният элчилари" халқаро илмий-амалий конференция, "Орол рассомлар нигоҳида" ижодий кўргазмаси ва пленери ҳамда Aral Dea Eco Race пойгаси бўлиб ўтади. Шунингдек, ёш ҳаваскор ва профессионал рассомларнинг Орол ҳақидаги расмлари намойиш қилинади.

Бундан ташқари, тадбир иштирокчиларини "Орол балиқларидан 99 турдаги таомлар" гастрономик фестивали ҳамда тарихий обидаларга унутилмас саёҳатлар кутмоқда.