Қўшимча функционаллар
-
Тунги кўриниш
Абдуқодир Ҳусанов ва Ҳожимат Эркинов клуби ихтиёрига қайтди
Ўзбекистон олимпия жамоасининг икки аъзоси – Абдуқодир Ҳусанов ва Ҳожимат Эркинов Японияга қарши Осиё кубоги U23 финалида ўйнамайдиган бўлди.
Абдуқодир Ҳусанов
ЎФА Қатар майдонларида ўтаётган U23 Осиё кубогида барча легионерларимизни олимпия жамоамизга жалб этишга муваффақ бўлган эди. Хусусан, Абдуқодир Ҳусанов ва Ҳожимат Эркиновнинг клублари билан асосий вазифага қадар — Олимпиада йўлланмасини қўлга киритиш бўйича келишувга эришилган эди. Шу сабабли, ушбу икки футболчи ўз жамоалари таркибидаги навбатдаги муҳим ўйинларга тайёргарлик кўриш учун клублари сафига йўл олмоқда.
«ЎФА ушбу тарихий вазифани қайд этишда легионерларимизнинг терма жамоамиз ихтиёрига етиб келишида кўмаклашгани учун «Ланс» ва «Ал-Ваҳда» клубига миннатдорчилик билдиради», - дейилади ташкилот хабарида.
Маълумот учун, ушбу турнир ФИФА шафелигидаги мусобақа эмаслиги ва ФИФА кунларида ўтмаётгани сабабли клублар ўз ўйинчисини олимпия жамоаларига қўйиб юборишга мажбур эмас. Финал 3 май куни бўлиб ўтади.
Мавзуга оид
15:03
Абдуқодир Ҳусанов — CIES талқинига кўра 21 ёшгача бўлган футболчилар орасида энг яхши марказий ҳимоячи
17:22 / 23.12.2024
Ҳусанов – йилнинг энг яхши ёш спортчиси, Дўсматов ва Келдиёрова йилнинг энг яхши спортчилари. «Миллий спорт мукофоти-2024» ғолиблари эълон қилинди
12:33 / 23.12.2024
Ҳусановнинг «ўғирланган» голи ва Лондонда теннисча ҳисоб. Кун ўйинлари
11:06 / 14.12.2024