Ўзбекистон ва Европа иқтисодий комиссияси минтақавий лойиҳаларни амалга ошириш масаласини муҳокама қилди

Ўзбекистон ташқи ишлар вазири Бахтиёр Саидов кеча БМТ Европа иқтисодий комиссияси (ЕИК) ижрочи котиби Татяна Молчан билан учрашди.

"БМТ Европа иқтисодий комиссиясининг (ЕИК) ижрочи котиби Татяна Молчан хоним билан учрашишдан мамнунмиз", – деб ёзди Ўзбекистон ТИВ раҳбари ўзининг Telegram-каналида. 

БМТ билан биргаликда миллий ва минтақавий лойиҳаларни амалга ошириш масалалари батафсил муҳокама қилинди.

Бахтиёр Саидов Ўзбекистоннинг барча соҳаларда барқарор ривожланиш мақсадларига эришишга қаратилган саъй-ҳаракатларини доимий қўллаб-қувватлаб келаётгани учун БМТ ЕИКга миннатдорлик билдирди.

ЕИК раҳбари 2-3 май кунлари бўлиб ўтаётган учинчи Тошкент халқаро инвестиция форумида иштирок этиш учун мамлакатга келган эди.