Қўшимча функционаллар
-
Тунги кўриниш
3 минг нафар ўзбекистонлик Кореяга автомобилсозлик йўналишида ишга юборилиши мумкин
Корея автомобилсозлик саноати уюшмаси таркибида 6800 та корхона мавжуд бўлиб, унда 48 000 нафар ходим фаолият олиб боряпти. Кореяликлар ушбу тармоқда яна йилига 3000 нафар ишчига талаб борлигини айтиб, бу бўйича Ўзбекистон билан ҳамкорлик қилиш истагида эканини билдирди.
Фото: Бандлик вазирлиги
Кореяда автомобилсозлик йўналиши бўйича йилига 3000 нафар ишчига талаб бор. Бу ҳақда камбағалликни қисқартириш ва бандлик вазири Беҳзод Мусаев ҳамда Корея Республикасининг Автомобилсозлик саноати уюшмаси раиси Квак Ёнг Чол ўртасидаги учрашувда маълум қилинди.
Ўзбекистоннинг Жанубий Кореядаги элчихонасида ташкил этилган мазкур мулоқотда ушбу давлат провинцияларидаги автомобилларга техник хизмат кўрсатиш уюшмалари раҳбарлари ҳам иштирок этди.
Учрашувда мезбонлар икки давлат ўртасидаги дўстлик алоқаларини эътироф этиб, меҳнат муносабатлари бўйича йўлга қўйилган самарали ҳамкорликдан мамнун эканини билдирди.
Мулоқотда Корея автомобилсозлик саноати уюшмаси таркибида 6800 та корхона мавжуд бўлиб, унда 48 000 нафар ходим фаолият олиб бораётгани қайд этилди. Кореяликлар ушбу тармоқда яна йилига 3000 нафар ишчига талаб борлигини айтиб, бу бўйича Ўзбекистон билан ҳамкорлик қилиш истагида эканини маълум қилди.
Учрашув якунида автомобилларга техник хизмат кўрсатиш йўналишида ишлаш истагидаги ўзбекистонликларни қисқа фурсатларда ушбу янги лойиҳага қамраб олишга келишиб олинди.
Мавзуга оид
14:39
Томск областига Ўзбекистондан мутахассислар ишга жалб қилинади
15:42 / 20.12.2024
Ўзбекистонлик кадрларни Чехияда ишга жойлаштириш бошланади
12:29 / 18.12.2024
Ўзбекистон Бош консулхонаси Россиядаги йирик иш берувчилар билан музокара ўтказди
08:21 / 16.12.2024