Рақобат қўмитаси «Maxam-Chirchiq» АЖга нисбатан иш қўзғатди

Бунга минерал ўғит нархларининг ўртача 10 фоиздан 15 фоизгача асоссиз оширилиши сабаб бўлган.

Фото: KUN.UZ / Муҳаммаджон Ғаниев

«Maxam-Chirchiq» АЖда ишлаб чиқарилган минерал ўғит маҳсулот нархларини шакллантиришда амалдаги норматив хужжатларга риоя этилмаганлиги натижасида маҳсулот нархларининг асоссиз ошишига олиб келган ҳаракатлар аломатлари аниқланган. Бу ҳақда Рақобат қўмитаси хабар берди.

Натижада, минерал ўғит маҳсулотлари нархлари ўртача 10 фоиздан 15 фоизгача ошишига сабаб бўлган.

Юқоридагиларга кўра, Рақобат қўмитаси томонидан «Maxam-Chirchiq» АЖга нисбатан «Рақобат тўғрисида»ги қонун талаблари бузилиши аломатлари бўйича иш қўзғатилди.

Шунингдек, ушбу омил қишлоқ хўжалиги корхоналари (кластер, фермер, деҳқон ва бошқалар)га бевосита таъсир қилиб, қишлоқ хўжалиги маҳсулотлари нархлари ошишига олиб келиши мумкин.

Аввалроқ, Рақобат қўмитаси томонидан нархларни сунъий оширганлиоги сабабли «Навоийазот» АЖ ва «Лукойл»га нисбатан ҳам иш қўзғатилганди.

#минерал ўғит #Рақобат қўмитаси #Maxam-Chirchiq