Ургутда қўнғир айиқлар чорвага ҳужум қилиб, 4 эчкини еб қўйди
Ноёб тур ҳисобланган Марказий Осиё қўнғир айиқлари Ургут туманининг Сойғус маҳалласига яқин ҳудудга тушиб келгани айтилмоқда. Ҳолат назоратга олинган.
![](https://storage.kun.uz/source/10/QjCTmlEObiJA9P-O2SxZ0GtUgc0axtYu.jpg)
Фото: Самарқанд вилояти Экология бошқармаси
Ижтимоий тармоқларда Ургут туманидаги Сойғўс маҳалласи ҳудудига 3 та айиқ келиб, маҳаллий аҳолининг чорвасига ҳужум қилаётгани ҳақидаги хабарлар тарқалди. Самарқанд вилояти Экология бошқармаси ҳолат юзасидан муносабат билдирди.
Маълум қилинишича, ҳолат вилоят Экология, атроф-муҳитни муҳофаза қилиш ва иқлим ўзгариши бошқармаси ва унинг Ургут тумани инспекцияси давлат инспекторлари томонидан тезкор тартибда назоратга олинган.
Мазкур ҳолат Самарқанд ва Қашқадарё вилоятлари чегарасида жойлашган Кункўрмас довонининг Қашқадарё вилояти ҳудудида содир бўлган. Ургут тумани Сойғўс маҳалласи чўпонлари сув сатҳидан 2500-2700 метр баландликда, яъни айиқларнинг яшаш манзилида қўйларини боқиб келишаётганда қўнғир айиқлар тўрт бош эчкини еб қўйган.
Чўпонларга ёки айиқларга талафот етмаган. Шунингдек, маҳаллий аҳоли 2 кун олдин кечаси айиқлар Сойғўс маҳалласига 2-3 км яқинликдаги тоғ бағрида ўсувчи мевали дарахтларни ейиш учун тушиб келганини айтган.
Бошқармага кўра, ҳозирда тегишли мутахассислар томонидан ҳолат назоратга олиниб ўрганиш ишлари давом этмоқда.
Тоғдан аҳоли пунктига айиқ тушиб келиши олдинроқ Сурхондарё вилоятининг Сариосиё туманида ҳам кузатилганди. Ўшанда айиқ мактаб ҳудудига кириб, ўқувчилар ҳаётига хавф туғдиргани ҳамда ИИБ ходимларига жароҳат етказгани учун отиб ўлдирилганди.
Мавзуга оид
![](https://storage.kun.uz/source/thumbnails/_medium/10/_sJJI6mmQAV4qgAM1P4jxodyLAjGCviT_medium.jpg)
10:59 / 21.08.2024
Турмуш ўртоғини ўзини ўзи ўлдириш даражасига етказган яна бир эркак 9 йилга қамалди
![](https://storage.kun.uz/source/thumbnails/_medium/10/JKYL1H2Z3MJ-l4SVpOj_hhbgsgzsHE_9_medium.jpg)
14:34 / 16.07.2024
Жиззахда икки киши айиқ ҳужумидан ҳалок бўлгани ҳақидаги хабар рад этилди
![](https://storage.kun.uz/source/thumbnails/_medium/10/TKXCDsSEsPaRb5IdXePLGU3-H6qHoiPw_medium.jpg)
11:35 / 05.06.2024
Самарқандда 9-синф ўқувчиси Nexia билан уриб юборган 6 ёшли қиз вафот этди
![](https://storage.kun.uz/source/thumbnails/_medium/10/ZocpVMUHh-vl4oP9D8oDSt1D6gCGNZfv_medium.jpg)
16:26 / 15.05.2024