Ойналари синган Gentra — Навоий кўчасида кўп қаватли уй фасадидаги мармарлар кўчиб тушяпти

Пойтахт марказидаги кўп қаватли турар жой биноси фасадидаги мармарлар кўчиб, аҳолига хавф туғдирмоқда.

Фото: Kun.uz

Тошкент шаҳрининг Шайхонтоҳур тумани Алишер Навоий кўчасидаги 37-кўп қаватли уйнинг фасад қисмидаги мармар кўчиб, фуқаролардан бирининг Gentra автомобили ойналарини синдирди.

Таъкидланишича, бу биринчи ҳолат эмас. Атрофдаги бошқа бинода ҳам мармарлар тез-тез кўчиб тушаётгани айтилмоқда.

Маълум бўлишича, бинонинг пастки қаватларида ўқув марказлари мавжуд.

“Сентябр ойидан абитуриентлар бу ерда гавжум бўлади. Бу масалани тегишли масъулларга етказишда ёрдам беринг. Мармарлар тушиб, кимнингдир бошини емасин”, — дейилади Kun.uz’га юборилган мурожаатда.

Аҳоли бу масалага масъулларни эътибор қаратишга чақирган.

#Gentra #кўп қаватли уй #Шайхонтоҳур тумани

Kun.uz янгиликларини Google News'да кузатинг

+ Обуна бўлиш