Қачон ва қаерда

ФИФА томонидан 10-бор ташкил этилаётган мусобақа 14 сентябрдан старт олади ва 6 октябр куни финал баҳси ўтказилади. Учрашувларга Тошкент, Андижон ва Бухоро шаҳарлари мезбонлик қилади. Жаҳон чемпионати ўйинлари учун чиқарилган чипталарни futsal2024.uz сайтидан харид қилиш мумкин.

Мусобақа формати

Ҳар бир гуруҳнинг энг яхши икки жамоаси ва учинчи ўринни эгаллаган тўртта энг яхши жамоа плей-офф босқичига чиқади. Шундан сўнг, нимчорак финал, чоракфинал, яримфинал, учинчи ўрин учун плей-офф ва финал ўйинлари бўлиб ўтади.

Жаҳон Чемпионати ғолиблари

Ҳозиргача турнирда энг кўп марта Бразилия чемпион бўлган – 5 марта (1989; 1992; 1996; 2008; 2012 йиллар). Испания икки карра чемпион саналади (2000; 2004). 2016 йил Аргентина ғолибликни қўлга киритган бўлса, амалдаги жаҳон чемпиони Португалия саналади. Улар 2021 йилги ЖЧ олтин медалига эга чиқишган.

Ўзбекистон миллий жамоаси гуруҳи ва таркиби

Ўзбекистон футзал миллий жамоаси бош мураббийи Хосе Венансио Лопес жаҳон чемпионати учун якуний таркибни эълон қилди.

Жамоа сардори Дилшод Раҳматов  жароҳати сабаб мусобақани ўтказиб юборадиган бўлди. Бунгача асосий таркиб аъзоларидан Равшан Элибоев, Даврон Чориев ва Суннат Жўраев ҳам жароҳат олиб, сафдан чиқишганди.

Миллий жамоамиз 2021 йил Литвада ўтган ЖЧда 1/8 финалда Эронга ютқазиб (8:9), турнирни тарк этганди. Бу сафар жамоа олдига ушбу натижани яхшилаш вазифаси қўйилган. Ўзбекистон жой олган А гуруҳидан Нидерландия, Парагвай ва Коста Рика ўрин олган бўлиб, вакилларимизнинг биринчи ўйини 14 сентябр куни Нидерландияга қарши ўтказилади.

Ўзбекистон миллий жамоасининг ЖЧ учун таркиби: