1,75 миллиард сўм: Yandex 2024 йилги Yandex Cup дастурлаш бўйича халқаро чемпионатида иштирок этишга таклиф этмоқда

Yandex жорий йилда соврин жамғармаси 1,75 миллиард сўмни ташкил этадиган Yandex Cup дастурлаш бўйича еттинчи халқаро чемпионатига рўйхатдан ўтиш бошланганлиги ҳақида эълон берди. Турнирнинг финали Тошкентда ўтказилади ва барча иқтидорли дастурчиларга ўз маҳоратларини намойиш этиш имконини яратади.

Чемпионат олтита йўналишни қамраб олади: таҳлил, frontend ва backend ишлаб чиқиш, мобил дастурлаш, машинали ўрганиш ҳамда "Алгоритм" йўналиши доирасида спорт дастурлаш.

Yandex Cup 2024 босқичлари:

📌 14 октябрдан 20 октябргача - онлайн саралаш
📌 2 ноябрь - онлайн ярим финал
📌 2-6 декабр - финал ва тақдирлаш маросими

Иштирок этиш учун аризаларни чемпионатнинг расмий веб-сайтида 20 октябргача топшириш мумкин.

Энг яхши натижаларни кўрсатган ғолиблар Yandex‘да соддалаштирилган тартиб бўйича суҳбатдан ўтиш имкониятига эга бўладилар.

Тадбир саҳифасида батафсил маълумотлар билан танишиш ва рўйхатдан ўтиш мумкин.