Туркия шарқида 6,0 магнитудали кучли зилзила содир бўлди, деб хабар берди Европа Ўртаер денгизи сейсмология маркази (EMSC). Кучли силкинишни ҳис қилган Малатя вилояти ва қўшни туманлар аҳолиси ваҳима ичида кўчага югурган. Бу шаҳар 2023 йил февралида даҳшатли зилзила содир бўлган ҳудудлардан бири эди.

Туркия матбуотининг ёзишича, асосий силкиниш маҳаллий вақт билан 10:46 да содир бўлган, ундан кейин камида 30 та ер силкиниши қайд этилган. Зилзила эпицентри Малатя шаҳридан 44 км шарқда, тахминан 10 км чуқурликда жойлашгани қайд этилган. Ер тебранишлари кенг ҳудудда, жумладан, икки йил аввал содир бўлган даҳшатли зилзиладан катта зарар кўрган йирик Ғозиантеп шаҳрида ҳам сезилган.

Бир қанча шаҳарлардаги йирик бинолар қисман қулаган ёки жиддий шикастланган. Ҳозирча қурбонлар ҳақида маълумот берилмади. Элазиғ шаҳрида яшовчи тўрт нафар инсон фавқулодда хизматлар томонидан вайрона остидан олиб чиқилган. Худди шу жойда зилзила пайтида бир неча киши деразадан сакраб, жароҳатланган.

Айрим ҳудудларда тош қулаши кузатилган, тоғларда чанг-тўзон кўтарилган, бироқ, расмийлар йўллар ва коммуникацияларда муаммо йўқлигини айтмоқда. Энг кўп зарар кўрган Малатя, Элазиғ ва Шонлиурфа шаҳарларидаги таълим муассасалари хавфсизлик сабабли камида бир кунга ёпилган.

Турк матбуотида